काठमाडौं, २८ साउन । विश्वभर महामारीको रुपमा फैलिएको प्राणघातक स्वाइन फ्लु रोगबाट कोष्टारीका का राष्ट्रपति समेत संक्रमित हुनुभएको छ। ६९ वर्षीय राष्ट्रपति ओस्कार एरियाजले स्वाइन फ्लुबाट आफू संक्रमित भएको बताउनुभएको हो। ओस्कार बिजेतासमेत रहनुभएका उहालाई चिकित्सकको सल्लाहमा खोप
दिन थालिएको छ। यसैबीच भारतमा पछिल्लो पटक स्वाइन फ्लुबाट थप दुई जनाको मृत्यु भएको छ। भारतको पुणेंमा एमविए अध्ययनरत युवतिको र नासिकमा एक पुरुषको मृत्यु भएको हो। भारतमा स्वाइनफ्लुबाट मर्नेहरुको संख्या बढ्दै गएपछि सबै स्कुल तथा कलेज एक हप्ताको लागि बन्द गरिएको छ भने सिनेमा हल तीन दिनको लागि बन्द गरिएको छ। भारतमा मात्र स्वाइनफ्लुबाट संक्रमतिको संख्या एक हजार पुगेको भारतीय संचार माध्यमले जनाएका छन्। स्वाइन फ्लुबाट एक हजार एक सय जनाको मृत्यु भइसकेको विश्व स्वास्थ्य संगठनले जनाएको छ।