Clicks Talk

माग अनुसारको कफी निर्यात गरिएको छ त ?

माग अनुसारको निर्यात गर्न सकिएको छैन किनकी हामीकहाँ उत्पादन नै कम छ। कफिले व्यवसायीकता पाएको धेरै बर्ष भईसकेको छैन तर पनि उत्पादन क्षमता दिनप्रतिदिन बढिरहेकै छ। तैपनि मागअनुसारको पुर्‍याउन सकिएको छैन ।

माग कति छ?

अहिले २ सय ६५ मेटि्रकटन कफी उत्पादन भईरहेको छ यसको ६० प्रतिशत त विदेशमा मात्रै नै निर्यात हुन्छ भने ४० प्रतिशत आन्तरिक बजारमा नै खपत हुने गरेको छ। झण्डै एक हजार मेटि्रकटन कफीको माग अहिले विदेशी बजारमा देखिएको छ। यस्तै स्वदेशमा पनि माग दिनदिनै बढिरहेको छ।

कफीको इतिहास के छ ?

कफी नेपालको गुल्मी जिल्लाको आँपचौर भन्ने ठाँउबाट औपचारिक रुपमा सन् १९९५ बाट सुरु गरिएको हो। अहिले २२ जिल्लामा व्यवसायीकता पाएको छ भने यस्तै ३५ जिल्लामा व्यवसायीकता पाउने क्रममा छ।

 

खास कफी खेती गर्नका लागि कस्तो हावापानी आवश्यकता पर्दछ ?

नेपाल कफी खेतीका लागि उपयुक्त्त ठाँउ हो। नेपालको ८ सय मिटर उचाईदेखि १६ सय

मिटर उचाई सम्ममा कफी खेती गर्न सकिन्छ नेपालको सर्न्दभमा पश्चिमी क्षेत्र बढि उपयुक्त्त हुन्छ।

नेपालमा उत्पादन चाँहि किन कम भएको होला ?

कफी खेती व्यवसायीक भएकै धेरै समय भएको छैन। हामीले विभिन्न तालिम गोष्ठि मार्फत कफीको प्रचार प्रसार गरिरहेकै छौ हाम्रो चाहना पनि नेपालमा कफी खेती बढि भन्दा बढि उत्पादन होस् भन्ने नै हो। हामीले बिभिन्न ठाँउमा गएर यसको फाईदा बेफाईदाको बारेमा कृषकहरुलाई बताइरहेका छौ।

कफी खेतीको मुख्य समस्या चाहि के छ ?

अहिले पछिल्लो समयमा कफीमा देखिने सेतो गवाराका कारण कृषकहरु बढि मारमा परेका छन् । नेपालमा कुन ठाँउमा कफी उत्पादन हुन्छ भन्ने कुराको कमी छ, तालिमहरुको अभाव र  विरुवा अनुदानमा व्यापकता नआएका कारणले नै नेपालमा कफी खेती फस्टाईरहेको छैन।

समस्या सामधानका लागि केही गर्नुभएको छैन ?

हामीले अहिले नेपाल कृषि अनुसन्धान तथा विकास विभागसँग मिलेर काम अगाडी बढाईरहेका छौ। हाम्रो तीन बर्षको योजना रहेको छ। त्यो मस्यौदाको रुपमा तयार भएको छ। त्यसै अनुसार हामीले निर्यात, मार्केटिङ्ग र अनुसन्धानको क्रमलाई अगाडी बढाउने योजना बनाएका छौ।